أخر الاخبار

خطة مايكل يوسف لتعلم اللغة الانجليزية للمبتدئين 2020

 خطة مايكل يوسف لتعلم اللغة الانجليزية للمبتدئين هو موضوع مقال اليوم في درووس قسم تعلم اللغة الانجليزية. ستسطيع من خلال هذه الخطة تعلم اللغة الانجليزية المستوي المبتدئ بسهولة جداً وبشكل مرتب عن طريق خطة مايكل يوسف المترجم المصري المشهور علي الفيس بوك. ما عليك الا تحميل كتب تعلم اللغة الانجليزية pdf والبدء بتنفيذ الخطة علي أكمل وجه.


خطة مايكل يوسف لتعلم اللغة الانجليزية للمبتدئين 2018

في البداية لازم اقولك ان مفيش حاجة هتعملها و تنجح فيها بدون تعب ، لازم تتعب و تجتهد علشان توصل. الخطة دي مدتها اربع شهور و هتذاكر كل يوم من ساعتين الي 3 يوميا علشان توصل انك تفهم اللغة الانجليزية و تضع اساس قوي. سواء قررت تاخد كورسات او تذاكر لوحدك عمرك ما هتتعلم غير بالصبر و الاجتهاد و الاستمرار.



اقرأ الملاحظات دي اكتر من مرة قبل ما تفكر تبدا الخطة (الموضوع مش موضوع كتب ولكن ازاي تذاكر الكتب دي باقصي استفادة)

مفيش كورس هيعلمك من غير ما تذاكر و لو نفذت الخطة زي ما هشرح كانك اخدت 4 مستويات في الدورات بدون ما تدفع مليم.
محتاج 3 كتب هتلاقي رابط لهم في الخطة هنا و ممكن تروح تطبعهم عند اي مكتبة امام جامعة القاهرة مش هيتكلفوا اكتر من 150 جنيه.

هتحتاج قاموس انجليزي عربي و اخر انجليزي انجليزي ، انا رفعت قبل كدا قاموس اكسفورد للاندرويد و لونجمان للكمبيوتر و صخر كمان ولكن لو هتستخدم موبايل يبقي دور علي حاجة مناسبة هتلاقي كتير.

اوعي ابدا تترجم جمل بالقاموس حتي لو هو فيه الخاصية دي (زي مترجم جوجل) لان الكمبيوتر مش بيفكر و بنسبة كبيرة الجمل هتبقي ترجمتها مش صحيحة.

الموضوع كله ازاي تذاكر اكتر من انه تذاكر ايه ، يعني ممكن يبقي عندك الف كتاب انجليزي و مش عارف تبدا ازاي ، ركز هنا علشان تعرف ايه المطلوب منك تعمله في الاربع شهور.

اعرف ان مفيش محادثة بدون جرامر ابدا ، يعني اي حد بيعلمك ويقولك دورات محادثة بدون جرامر يبقي بيضحك عليك ، مش هتعرف تتكلم بدون جرامر ابدا يعني هو الاساس.

اغلب الناس بتقول انهم مستواهم متوسط في اللغة وبلاقي انهم مبتدئين ، قواعد جرامر كتير بسيطة مش يعرفوها بالتالي افضل ان الناس كلها تضع اساس سليم علشان تعرف تطور اللغة بتاعتها صح.

هل هتقول مش هعرف اذاكر لوحدي ولازم حد يشجعني يبقي مش هتذاكر عمرك ، اتعب في اول خطة و بعد كدا هتستريح في اللغة و هتستمر.

في البداية مش هتفهم اي حاجة و هتمر بمرحلة “صدمة” مع اللغة الانجليزية ، المرحلة دي ممكن تاخد شهر و بعد كدا هتلاقي الدنيا بدأت توضح المهم انك تستمر و تعرف انك مش هتفهم اي حاجة في البداية.

مهمتك في البداية انك تحاول تفهم و تحفظ كلمات و تنطق كل كلمة خمس مرات مع قاموس ناطق ، يعني هتترجم كل كلمة الي العربية (و دا شيء صعب في البداية) و تنطقها في قاموس انجليزي كام مرة.

انت مش طالب ، يعني مش هتذاكر الخطة علشان تدخل امتحان في الاخر ولكن علشان تتعلم انجليزي و تعرف تعبر عن نفسك و تستخدمه صح.

الكتب مليانة جمل كتير سواء في التدريبات او الشرح ، بعد لما تنطق الكلمات لوحدها انطق الجمل نفسها انطق كل جملة خمس مرات و قولها بصوت مش تذاكر بدون صوت يعني.

اول خطوة (اول شهر) هو الاصعب فاستحمله لانك هتترجم كل كلمة وبعد كدا هتلاقي الكلمات بتتكرر و بدل ما هتترجم الصفحة كلها هتلاقي نفسك بتترجم 50% ثم 30% ثم 20% و هكذا.

خلي الانجليزي جزء من حياتك اليومية و دا شيء مهم جدا ، يعني كل لما تلاقي نفسك فاضي كرر الجمل ، بتكلم اصدقائك استخدم معاهم اي جمل اتعلمتها ، بتكتب مشاركة علي الفيس بوك اكتب اي جملة اتعلمتها و هكذا.

اعمل كشكول للكلمات مرتب ابجديا ، يعني مثلا كل حرف
A B C D E
خمس صفحات ، قسم الصفحة اربع اعمدة و اكتب اي كلمة تقابلك في الكتب بترجمتها فيه.

بلاش تحفظ كلمات بالكتابة لان دا تضييع وقت ، ممكن تعمل حاجة احسن و هو انك تقرأ الكلمات الجديدة و تنطقها مع القاموس و عادي انك تنسي ، تعال بليل اقراها تاني و يوم في الاسبوع اقرأ كل كلمات الكشكول ولو مرة بس.

مش هتفهم من البداية لان الصورة الكبيرة مش في ذهنك لسا ، ممكن تفضل شهر كل وظيفتك انك بتترجم كلمات و تنطقها بس و “بتحاول تفهم” و تيجي تقرأ حاجة تلاقي نفسك بدأت تفهم و الموضوع اتحسن ، المهم تستمر و تجتهد.

في اول شهر مش هتحل تدريبات خالص ، هتذاكر الكلمات و النطق و تكرر اي جملة تقابلك فقط ، بعد كدا هتحل التدريبات.

لما تحل التدريبات في الكتابين
Essential Grammar in Use
English Vocabulary in Use

هتلاقي الاجابات في اخر الكتاب ، شوف الحل الصحيح ولكن الاهم انك بعد لما تتأكد من الاجابة هو انك تنطق الجمل كلها كل جملة خمس مرات و الموضوع دا مهم جدا لاكتساب اللغة. مهم جدا تقرأ رأس السؤال و تترجم كل كلمة و تفهم ايه المطلوب.
جدول الخطة الاسبوعي

دلوقتي هقولك تذاكر ايه و ازاي بالترتيب ولازم تعمل الترتيب دا زي ما هشرحه بالظبط ، هيبقي اسبوعي مقسم الي 12 اسبوع

الاسبوع الاول لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

English Vocabulary in Use
Unit 3 Parts of the body
Unit 4 Clothes
Unit 11 In the kitchen
Unit 12 in the bedroom and bathroom
Unit 14 Jobs
Unit 13 In the living room
Unit 15 At school and University
Unit 25 Countries and nationalities

من كتاب
Basic English Grammar
Unit 3 Nouns

زي ماقولت مش هتحل تدريبات ، انت بس هتترجم الكلمات الي العربية (بلاش تترجم جمل خالص) و تنطقها في قاموس انجليزي و تحاول تفهم. المفروض ال 8 وحدات من اول كتاب عبارة عن 8 صفحات يعني ممكن تاخد كل يوم اتنين و تسيب 3 ايام للفصل الثالث من تاني كتاب و هو كبير شوية لانه عن الاسماء.

الاسبوع الثاني لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب
Essential English Grammar
الاول محتاج تشوف ازاي بنختصر حاجة زي
I am
الي
I’m
مش لازم تفهم كل حاجة زي ما اتفقنا بس مهم تفهم دي دلوقتي ، هتبدأ بالملحق الرابع باخر الكتاب
Appendix 4
وبعدين الوحدات دي بالترتيب
64
65
66
67
68
69
الوحدات عبارة عن صفحة واحدة بس و زي ما اتفقنا اول شهر مفيش فيه حل تدريبات يعني مش هتحل التدريبات دلوقتي. ممكن تاخد كل يوم وحدتين يعني هتخلصهم في 3 ايام بس.
من كتاب

English Vocabulary in Use
Unit 29 Animals
Unit 8 Conversations 1: Greetings and wishes

الوحدتين دول هتخلصهم في يومين خلي بالك انا عايز تنطق كل كلمة خمس مرات و تعرف معناها بالعربي و تنطق الجمل كمان خمس مرات.
من كتاب

Basic English Grammar
Unit 4 Pronouns

الوحدة دي تاخد منك يوم او اتنين بالكتير.

الاسبوع الثالث لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

Basic English Grammar
Unit 7 Verbs and Tenses

دي وحدة الافعال و الازمنة و هي 30 صفحة هتبقي الاسبوع كله و مش تتوقع انك هتفهم كل حاجة زي ما قلت قبل كدا ، ولكن اجهتد و ترجم و اصبر.
هتاخد معاها في نفس الاسبوع

Essential English Grammar
Unit 92

الاسبوع الرابع لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

English Vocabulary in Use
Unit 17 Holidays
Unit 18 Shops and shopping
Unit 19 In a hotel
Unit 20 Eating out

خلصهم في يومين لانهم اربع صفحات بس
من كتاب

Essential English Grammar
Unit 1 and 2

هتخلصهم في يوم
من كتاب

Basic English Grammar
Unit 5 Adjectives

خلص الوحدة في 3 ايام
باقي في الاسبوع يوم ، اقرأ فيه الوحدات السابقة علي قد ما تقدر ويفضل اليوم دا تذاكر اكتر من 3 ساعات لو تقدر انت هتقرأ بس مش هتعمل حاجة تانية.

الاسبوع الخامس لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

انت كدا ذاكرت 26 وحدة ، المفروض الاسبوع دا كله تحل التدريبات بتاعتهم ، ممكن تلاقي نفسك مش فاكر حرف من اي حاجة ، طبيعي جدا لانك لسا في اول خطوة في اللغة متقلقش اعمل العليك. ممكن كل يوم تحل تدريبات 2-3 وحدات بس اهم شيء انك تنطق كل الكلمات في قاموس ناطق و تنطق الجمل بعد لما تعرف الاجابة الصحيحة. مش هتفهم كل حاجة طبعا لانك بدأت من نقطة البداية ولوحدك ، اصبر و كله هيتفهم مع الوقت و المذاكرة المهم تستمر انا بطمنك انك لو استمريت هتفهم و هتبقي تمام.

الاسبوع السادس لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

Essential English Grammar
Unit 5, 6, 7, 23, 24, 39, 42, 56 and 57

المفروض انت كدا بقالك اكتر من شهر بتذاكر يعني الموضوع بدأ يتحسن معاك ، خلص ال 9 وحدات بالتدريبات وبالنطق في اربع ايام.
من كتاب

Basic English Grammar
Unit 6 Determiners

خلصها في يوم بالتدريبات هي 6 صفحات
من كتاب

English Vocabulary in Use
Unit 21 Sports
Unit 22 Cinema
Unit 24 Music and musical instruments
Unit 26 Weather

خلصهم في يومين بالتدريبات

الاسبوع السابع لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

Essential English Grammar
Units 3, 4, 8, 26, 27, 36, 38 and 50

خلصهم بالتدريبات و النطق في اربع ايام
من كتاب

Basic English Grammar
Unit 8 Subject-verb agreement
Unit 9 Adverbs

خلصهم في يومين
من كتاب

English Vocabulary in Use
Unit 50 Days, months, seasons
Unit 51 Time words

خلصهم في يوم

الاسبوع الثامن لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

Basic English Grammar
Unit 13 Sentences
Unit 11 Conjunctions

خلصهم علي يومين
من كتاب

Essential English Grammar
Units 9, 10, 11 and 12

خلصهم علي يومين
من كتاب

English Vocabulary in Use
Units 48 and 49

يوم واحد بس
من كتاب

Essential English Grammar
Units 15, 16, 17, 18 and 20

يومين

الاسبوع التاسع لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

Basic English Grammar
Unit 10 Prepositions

من كتاب

Essential English Grammar
Units 99, 100 and 101

خلصهم في يومين
من كتاب

English Vocabulary in Use
Units 13 and 14

خلصهم في يوم
من كتاب

Essential English Grammar
Units 25, 43, 44, 45, 46, 47 and 48

خلصهم في اربع ايام

الاسبوع العاشر لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

English Vocabulary in Use
Units, 36, 37, 38, 39, 40 and 41

خلصهم في 3 ايام
من كتاب

Essential English Grammar
Units 28, 29, 30, 31, 32, 33 and 34

خلصهم في اربع ايام

الاسبوع الحادي عشر لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

English Vocabulary in Use
Units 42, 43, 44, 45, 46 and 47

خلصهم في 3 ايام
من كتاب

Essential English Grammar
Units 19, 40, 49, 21, 22, 50, 51 and 52

اربع ايام

الاسبوع الثاني عشر لخطة تعلم اللغة الانجليزية مع مايكل يوسف

لخطة تعلم اللغة الانجليزية مع مايكل يوسف

من كتاب

English Vocabulary in Use
Units 30, 33, 34, 35, 54, 55, 56 and 57

من كتاب

Essential English Grammar
35, 53, 58, 59, 61, 62, 63 and 73

خطة مايكل يوسف لتعلم اللغة الانجليزية للمبتدئين 2018

خطة مايكل يوسف لتعلم اللغة الانجليزية للمبتدئين 2018

خطة مايكل يوسف لتعلم اللغة الانجليزية للمبتدئين 2018

بكدا انت بدأت مشوار تعلم اللغة الانجليزية ولو نفذت الخطة فعلا هيبقي مستواك كويس ولكن هيبقي مستواك متوسط و طبعا علي حسب مجهودك.

كتب الخطة هنا
و علي Google Drive

لو الكتب مش عايزة تنزل جرب جوجل كروم من الموبايل او نزلها علي الكمبيوتر.
انت مش هتخلص الكتب من الاول للاخر عموما في الاربع شهور ، انا عملتلك جدول فعال و هتلاقي الحاجة بتتكرر اكتر من مرة علشان لو مش فاهم من دي تفهم من دي. هحاول ان شاء الله ابدأ من اجازة نصف السنة بمشاركات عن الخطة سواء الكلمات او التعبيرات او القواعد علشان تشجع الناس.

رابط قاموس اكسفورد

ربنا يوفقكم و فيه خطط تانية في المستقبل القريب.

اشتركوا في قناتي علي youtube و انتظروا العديد من الفيديوهات


كورس مدته ساعتين بس بجانب خطة المبتدئين
كورس سهل فيديو علشان تتعلم النطق بشكل
Udemy – Perfect English Pronunciation Practice

فك الضغط ب RAR علي الاندرويد و iZip علي ايفون و Winrar علي الويندوز. الكورس بيعلمك النطق بشكل لذيذ و بسيط و هتاخده بجانب خطة المبتدئين ممكن تتفرج عليه 4 مرات مثلا مرة كل اسبوع. مش مهم تفهم الكلمات الجديدة ركز علي النطق بس.

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -